Sestaok ezin izan zuen urtea garaipenarekin estreinatu, baina urrezko puntu bat gehitu zion denboraldiko lehen helburuari. Sestaoarrek partida ikusgarri bat galdu zuten La Benedictan Extremadura Arroyoren parean (2-3), ‘tie break’ (13-25, 25-16, 22-25, 25-17 eta 13-15) ia bi ordu jokatuta. Markatzaile honekin, Sestao CVak bigarren itzulia hasiko du laugarren postuan. Datorren asteburuan, egutegiak atsedena emango die bizkaitarrei.