Irailaren 16tik 19ra Fadurako Udal Kiroldegiko instalazioetan egingo den Lur gaineko Munduko Sokatira Txapelketa dela eta, dagoeneko izena emateko epea ireki da horrelako kirol-ekitaldi handi baten antolaketa barrutik bizitzeko aukera aprobetxatu nahi duten pertsonentzat, antolaketa lanekin lagunduz.
Munduko Sokatira Txapelketan (Tug of War Championships da nazioartean duen izena), Nazioarteko Federazioari (TWIF) atxikitako elkarte eta klubek parte hartzen dute. 2020ko irailerako aurreikusita zegoen txapelketa egitea, baina COVID-19aren pandemiak eragindako egoerak urtebetez atzeratzera behartu zuen. Izan ere, Euskadiko eta Bizkaiko Euskal Joko eta Kirol Federazioak eta Getxo Herri Kirol Taldeak osatzen duten antolakuntzak, dagoeneko ireki du epea txapelketan laguntzeko prest dauden pertsonentzat (18 urtetik gorakoentzat), bai ekitaldiaren egunetan, bai aurreko eta ondorengo egunetan, ordezkaritzen etorrerarekin eta irteerarekin batera.
Hautatutako laguntzaileek honako alderdi hauek babestuko dituzte: talde parte-hartzaileei laguntzea, Covid neurrien kontrola, zeregin logistikoak, etab. Horretarako, aurretiko prestakuntza emango zaie, eta uneoro izango dute erakundearen laguntza, eskatutako lana modu eraginkor, seguru eta errazean egin dadin.
Parte hartu nahi dutenek hemen eman dezakete izena:
https://sokatiramundiala.com/es/voluntariado