Igande honetan, abenduaren 17an, Bilboko Bizkaia Frontoian ospatuko da Euskadiko Senior Taekwondo Txapelketa, Euskadiko Federazioak antolatua. Berrogeita hamar kirolari baino gehiagok hartuko dute parte, eta podiumean plaza bat lortzeko lehiatuko dira.
Txapelketa ofizial honetan gure lehiakideek kirol olinpiko honetan duten maila bikaina ikusi ahal izango da. Euskadiko Federazioko teknikariek entrenamenduak koordinatuko dituzte dominadunekin. Hortik aterako da otsailean Euskadi txapelketa nazionaletan ordezkatuko duen taldea.