Larunbat honetan, maiatzaren 29an eta igandean, maiatzaren 30ean, goizeko jardunaldian, Euskadiko Junior eta Sub-21 kategorietako Txapelketak egingo dira, Euskadiko Taekwondo Federazioak antolatuta. Txapelketen eszenatokia Bilboko Bizkaia Frontoia izango da, eta gizonezkoen eta emakumezkoen berrogeita hamar kirolari baino gehiago izango dira. Lehiakideek podiumaren gailurrera igo nahi dute, domina bat eskuratzeko eta Euskadiko selekzioan plaza bat lortzeko. Federazioaren Batzorde Teknikoak erabakiko du nork parte hartuko duen Alacanten uztailerako aurreikusitako txapelketa nazionaletan.
Txapelketa ofizial horiekin, Euskal Federazioak beste urrats bat egin du pandemia aurreko kirol-egutegiko jarduerak normaltasunez egiteko. Betiere protokoloko segurtasun eta higiene arauei jarraituz eta kiroldegietan jenderik gabe.