Berrogei kirolari, Euskadiko Taekwondo Federazioko teknikari eta epaileekin batera, datorren larunbatean, apirilak 1, Open Cantabria 2023 txapelketan lehiatuko dira, junior eta kadete kategorietan -gizonezkoak eta emakumezkoak-. Open ofiziala, olinpiar borrokakoa, Entrambasaguas Udal Kiroldegian izango da, Kantabrian, goiz eta arratsaldez.
Kantabriako Federazioak antolatzen duen txapelketak 200 lehiakide baino gehiago izango ditu. Maiatzean txapelketa nazionalak prestatzeko balioko du, eta Euskadiko Federazioaren ordezkaritza zabala egongo da bertan.