Balmasedakoak lehen postuan jarraitzen du bere kategorian, eta bigarren da sailkapen nagusian, mendiko lasterketen Europako Txapelketan parte hartu duen zortzi proben ondoren
Berriz ere lehena izan zen bere kategorian, eta bigarrena sailkapen nagusian, ametsezko denboraldi kontinental batean. Joseba Iraolak beste asteburu zoragarri bat izan zuen Eslovenian Europako mendi lasterketen txapelketan. Dagoeneko zortzi podium jarraian dira Joseba Iraolarenak. Esloveniako herrialdean hegan egin zuen GHD Ilirska Bistrika proban. Bere E2SC maila irabazi zuen NOVA NP01.arekin eta Esloveniako Scratch sailkapenean bigarren izan zen. Horrela, Iraolak aurrerapauso handia eman du Europako Mendiko txapeldun izateko. Bizkaitarrak bazekien, errepidea zaila izan arren, ondo eman ziezaiokeela txapelketara hurbiltzeko. Eta bete zuen.
“Petr Trnkaren duelua genuen. Ikusgarria eta polita izan da eta oso gutxigatik irabazi dugu. Orain Kroazian nahikoa litzateke puntuatzea. Kostatu zitzaidan errepidera egokitzea eta entrenamenduetan atzera samar ibili nintzen. Titulurako urrats garrantzitsua eman dugu. Orain, Kroazian errematatu eta amets bat bete ahal izateko “.
Joseba Iraolaren Euskal Selekzioa podiumera igo da Esoloveniako GHD Ilirska Bistrika proban; Suitzako St. Ursanne; Paolino Teodori Koppan, Ascolin; Ecce Homo Sternberk Txekiar Errepublikan; Portugalen (Rampa da Falperra); Asturiasen (Fitoko igoera); Austrian (Rechberg); eta Frantzian (Saint Jean du Gard- Col Saint Pierre). Balmasedakoa eta bere taldea protagonista nagusiak dira denboraldi zoragarri honetan.
Euskal Kirol Federazioen Batasunak eta Euskadiko Automobilismo Federazioak, Eusko Jaurlaritzaren laguntzarekin, automobilismo talde hau babesten dute.
