Mendi Lasterketetako Euskal Selekzioak proba ugari eta garrantzitsuak izan ditu joan den asteburuan. Portugalgo Madeira uhartean ospatu den Munduko Kopako bigarren proban, EMFko bi emakumezko korrikalarik Top 5 egin dute: Sara Peña laugarren sailkatu da eta Maud Combarieu, emakumezkoen sailkapen nagusiko bosgarrena. Gainera, beteranoen podium-ean posturik altuenak lortu zituzten ere.
Eta Euskal Selekzioak beste hitzordu garrantzitsu bat zuen XIII. Sant Esteve Trailarekin, FEDME 2022 Lineako Mendi Lasterketen Espainiako Kopako bigarren proba hartzen zuena. EMFko zazpi ordezkarien balantzea bikaina izan da berriro ere. Jone Fuente eta Ibai Larrearen lehen postuei esker junior mailan nagusitasun absolutua izan dute, Lorena Guinaldo ere beteranoetan gailendu da eta azpimarragarria da Jokin Etxaberen bigarren postua gizonezkoetan.
