Jone Magdaleno oso denboraldi gozoa bizitzen ari da. Pariseko Jokoetarako behin betiko sailkapena emango dioten puntuak batzen jarraitzean zentratuta, Basque Team Fundazioaren beka duen kirolariak beste pauso bat eman du asteburuan denboraldi emankor honetan Nevadan jokatutako G2 mailako Estatu Batuetako Nazioarteko Openean brontzezko domina eskuratuta -62 kilogramoko kategorian.